Svaðilförin í næsta tölublaði

 

 

 

Mynd sótt af vef F.4x4. Heiðar var á bílnum sem er fjær á myndinni sem fór að mestu í kaf eins og bíllinn sem er nær, sem virtist þó fljóta á klakabreiðu þar sem aldrei náðist niður í fast land undir honum. 

Það verður ekki til gott jeppablað nema með góðum sögum af fjöllum. Heiðar Engilbertsson var staddur hjá okkur í útgáfunni í dag og skrásettum við í samvinnu við hann ferðasögu af nokkrum jeppamönnum sem lentu í erfiðum aðstæðum sem ekki var unnt að sjá fyrir um. Tveir bílar fóru niður um ís þar sem nákvæmustu kort sýna sléttan sand. Svona er íslensk náttúra í hnotskurn. Engin slys urðu á fólki svo vildu þeir með ánægju deila sögunni með öðrum lesendum svo hægt sé að læra af slysum sem þessum. Þetta verður því sannkallað jeppablað, 15. febrúar.

[e-mail]