Bíladellan 2007 og hjólablað í undirbúningi

Jæja, nú er vel heppnuð sýning Kvartmíluklúbbsins að baki, Bíladella 2007. Þar voru margir veglegir gripir og sýnum við þá í næsta tölublaði, sem kemur út þann 16.maí næst komandi. Bílar & Sport var á staðnum með lukkuhjólið og gerðust margir áskrifendur að blaðinu, einnig ruku út eldri tölublað og ljóst að lesendur vilja margir eiga öll tölublöðin, sem er mjög gaman að sjá. Í næsta tölublaði verða mótorhjólin númer eitt, fjöllum um þau nýju og tökum sum hver í reynsluakstur, einnig kíkjum við að sjálfsögðu í skúrinn hjá áhugverðum köppum og kíkjum þar á gamla gullmola. Síðan förum við yfir þær keppnir sem framundan eru í mótorkrossinu og fleiru sporti. Einnig segist formúlu 1 greinarhöfundur okkar að skemmtileg grein sé í smíðum hjá honum, en hún mun bera heitið Reikönnen vs. Alonso.